ဗာတီကန်က ယူကရိန်းကက်သလစ်မိသားစုကို သစ္စာဖောက်သည်ဟု ယူကရိန်းကက်သလစ် ဂိုဏ်းချုပ်ဆရာတော်ကြီးက ဝေဖန်

AA

ယူကရိန်း၊ ဖေဖော်ဝါရီလ ၁၇၊ ၂၀၁၆ Catholic Herald

ယူကရိန်း ကက်သလစ်ဂိုဏ်းချုပ် ဆရာတော်ကြီး ဆဲစ်ချူက ဖေဖော်ဝါရီလ (၁၂) ရက်နေ့ ချုပ်ဆိုခဲ့သော ရဟန်းမင်းကြီး ဖရန်စစ်နှင့် ရုရှား     အောက်သဒေ့ါကီရီတို့၏စာချုပ်သည် ဗာတီကန်က ယူကရိန်းနိုင်ငံရှိ ကက်သလစ်မိသားစုကို သစ်္စာဖောက်ခြင်းဖြစ်သည်ဟု ဝေဖန်တော်မူလိုက် သည်။ ယူကရိန်းနိုင်ငံ၊ ကီဗ်ဟဲလ်ချမြို့၏ ဆရာတော်ကြီးဆဲစ်ချူက ယခုကဲ့သို့ နှစ်ပေါင်း (၁၀၀၀) အတွင်း ကက်သလစ်အသင်းတော်နှင့် အောက်သဒေါ့အသင်းတော်တို့အကြားတွင် ပထမဆုံး အကြိမ်တွေ့ဆုံခြင်းကို ကြိုဆိုထောက်ခံသော်လည်း ရုရှားအောက်သဒေါ့၏ ယခင်ကကြွေးကြော်ခဲ့ သော ““ရှင်သန်ရပ်တည်ခွင့်ရှိခြင်းအခွင့်အရေး””ကို လက်လျှော့လိုက်ခြင်းလည်းဖြစ်သည်ဟု မီးမောင်း ထိုးပြတော်မူသည်။

သို့သော်လည်း ဆရာတော်ကြီးက ““သူတို့နှစ်ပါး၏ နှစ်ဖက်သဘောတူထုတ်ပြန်ချက် သည် ယူကရိန်းနိုင်ငံသူနိုင်ငံသားများနှင့် ကက်သလစ်ဘာသာဝင်များ၏ သြတ်္တပ်္ပစိတ်ထဲတွင် နက်ရှိုင်းသော စိတ်ပျက်မှုကိုဖြစ်ပေါ်စေပြီး ၎င်းထုတ်ပြန်ချက်တွင်ဖော်ပြထားသော အချက်များတွင် တစ်ဝက်မျှသာမှန်ကန်ခြင်းကြောင့် ဗာတီကန်က သူတို့ကိုသစ်္စာဖောက်သည်ဟု ရှုမြင်ကြကြောင်း နှင့် ယူကရိန်းနိုင်ငံအား ရုရှားနိုင်ငံကကျူးကျော်တိုက်ခိုက်ခြင်းကို ဗာတီကန်ကထောက်ခံသည်ဟု အနက်ရစေသော စာသားများပါဝင်သည်ဟု ကျွန်ုပ်၏နိုင်ငံသူ/သားများကဆက်သွယ်ပြီး ပြောဆိုကြ ကြောင်း”” ဖြင့် ထုတ်ဖော်ပြောဆိုလိုက်သည်။
ဆက်လက်ပြီးဆရာတော်ကြီးက သူတို့နှစ်ပါးသည် မတူညီသောလေယာဉ်ပံျကိုစီးကြရင်း မတူညီသော ပန်းတိုင်ကိုဦးတည်ပျံသန်းနေကြကြောင်း၊ ရဟန်းမင်းကြီးက ကီရီအား တွေ့ဆုံခြင်း သည် ဘာသာရေးသဘောအဖြစ်တွေ့ဆုံသော်လည်း ကီရီကမူ၊ ဘာသာရေးသဘောအဖြစ် မတွေ့ ဆုံဘဲ နိုင်ငံရေးအမြတ်ထုတ်ကြောင်းဖြင့် မိန့်ကြားတော်မူသည်။

၎င်းတို့နှစ်ပါး၏သဘောတူညီချက်တွင်ပါဝင်သော အချက်ဖြစ်သော ““မိမိတို့နှစ်ဦးသည် ငြိမ်းချမ်းစွာနေထိုင်ကြသော ယူကရိန်းနိုင်ငံသားများအပေါ်တွင်ဖြစ်ပေါ်နေသော ရန်လိုတိုက် ခိုက်မှုကြောင့် ဖြစ်ပေါ်စေသော ဒုက်္ခသည်များ၊ ပြောမရနိုင်သော အနာတရများကြောင့် ၎င်းတို့၏ လူမှုအသိုင်းအဝိုင်းများကို ဆိုးဝါးသောစီးပွားရေးနှင့် နက်ရှိုင်းသော လူမှုရေးပြသာနာများကို ဖြစ်ပေါ်စေသော ရန်လိုတိုက်ခိုက်နေမှုတို့ကို ဝမ်းနည်းတော်မူကြပါသည်။ ကျွန်ုပ်တို့သည် ယူကရိန်း နိုင်ငံတွင်ရှိနေကြသော မိမိတို့၏အသင်းတော်များအား လူမှုရေးညီညွတ်ခြင်းကို လုပ်ဆောင်ကြရန် နှင့် အပြန်အလှန်ထိပ်တိုက်ရင်ဆိုင်ခြင်းကို ရှောင်ရှားကြရန်နှင့် ပဋိပက်္ခများကို ဆက်လက်ဖြစ်ပေါ် စေသော လုပ်ရပ်များကိုအားမပေးကြရန် ဖိတ်ခေါ်အပ်ပါသည်”” ဟူသော အချက်ပါဝင်မှုကို ယူကရိန်းကက်သလစ်ဂိုဏ်းချုပ်ဆရာတော်ကြီး ဆဲစ်ချူက မကျေနပ်ခြင်းဖြစ်သည်။

ယူကရိန်းဆရာတော်ကြီးက ““ကျွန်တော်တို့ ယူကရိန်းဆရာတော်တွေမပါဘဲနဲ့ မိမိတို့ အကြောင်းကိုပြောဆိုခြင်းအား မပြုလုပ်သင့်ကြောင်း၊ ဗာတီကန်အနေဖြင့် ရုရှားဘာသာရေး ခေါင်းဆောင်နှင့် ထုတ်ပြန်မည့် သဘောတူညီချက်အကြမ်းကို မိမိအား အရင်ဆုံးပြသတိုင်ပင် သင့်ကြောင်း၊ ယူကရိန်းနိုင်ငံတွင် ရဟန်းမင်းကြီးနှင့် တစ်လုံးတစ်ဝတည်းဖြစ်သော အောက်သဒေါ့ အသင်းတော်ပေါင်း (၂၂) ခုရှိကြောင်း၊ မိမိတို့အနေဖြင့် မည်သည့်အခါမျှအကြမ်းဖက်မှုကို အားပေးလှုံဆော်ခြင်းမပြုခဲ့ကြောင်းနှင့် မိမိတို့သည် ငြိမ်းချမ်းရေးကိုသာ အားပေးကူညီနေပါ ကြောင်း၊ မိမိတို့ရဟန်းများက မည်သည့်အခါမျှလက်နက်ယူပြီး တိုက်ခိုက်ခြင်းမပြုဘဲ၊ စစ်မဲ့ဇုန် များသွားရောက်ပြီး ငြိမ်းချမ်းရေးကိုဦးတည်သည့် အပြုအမှုများကိုသာလုပ်ဆောင်နေကြကြောင်း”” ဖြင့် မိန့်ကြားတော်မူသည်။
သို့သော် ယူကရိန်းကက်သလစ်ဂိုဏ်းချုပ်ဆရာတော်ကြီး ဆဲစ်ချူက ““ရဟန်းမင်းကြီး ဖရန်စစ်သည် လွန်စွာပင်နှိမ့်ချသောရဟန်းမင်းကြီးဖြစ်တော်မူကြောင့်၊ သူတို့နှစ်ပါး၏တွေ့ဆုံ ခြင်းအပေါ် နိုင်ငံရေးအမြတ်ထုတ်နေကြသူကဲ့သို့ ယူကရိန်းဘာသာတူများအနေဖြင့် အရှင်သူမြတ် အား ဝေဖန်နေခြင်းကိုမူအားမပေးကြောင်း၊ ယူကရိန်းပြည်သူများက အရှင်သူမြတ်အား ဝေဖန် နေခြင်းကို ရပ်တန့်သင့်ကြောင်း”” ဖြင့် တိုက်တွန်းတော်မူလိုက်သည်။    ဂျိုးဇက်

1379  Views
Previous: ပြည်ကက်သလစ်သာသနာ၊ ခဝဲတိုက်နယ်၊ ခဝဲရွာတွင် စိန်မေရီ ဘုရားရှိခိုးကျောင်းသစ်ဖွင့်ပွဲကျင်းပ
Next: နေပြည်တော်၏နိုင်ငံရေးရာသီဥတုက သာယာနေသလား။