ကလေးဆရာတော်ကြီး ဖေးလစ်လျန်ခန်းထန်မှ “ဗာတီကန်နိုင်ငံရဲ့ နိုင်ငံခြားရေး မူဝါဒအကြောင်း” ဂလိုရီးယားသို့ မိန့်ကြားတော်မူခြင်း

46-b

ချင်းပြည်နယ်နှင့်စစ်ကိုင်းတိုင်း ဒေသကြီးများရှိ မြို့နယ် ၁၀ ခုကျော်ဖြင့် ဖွဲ့စည်းထားသော ကက်သလစ် ခရစ်ယာန် သာသနာတော်၊ ကလေးကက်သလစ်သာသနာတော်၏ ပထမဆုံးသော သာသနာပိုင် ဆရာတော်ကြီး ဖေးလီစ်လျန်ခဲန်းထန်အား ဂလိုရီးယား သတင်းဂျာနယ်မှ နိုဝင်ဘာလ ၁၇ ရက်နေ့၊ နေ့လည် ၁ နာရီတွင် ဆရာတော်ဘုရား သီတင်းသုံးရာ ကလေးမြို့က ဆရာတော် ကျောင်းတိုက် တွင် သွားရောက် တွေ့ဆုံမေးမြန်းခဲ့ပါတယ်။ ၄င်းတွေ့ဆုံမေးမြန်းချက်ကို ပြန်လည်တင်ဆက် ပေးလိုက်ပါ တယ်။
မေး/မင်္ဂလာပါ ဆရာတော်ဘုရား။ အခုလို ဆရာတော်ဘုရားကို တွေ့ဆုံးမေးမြန်းခွင့် ပေးသနားတော်မူတဲ့ အတွက် ဂလိုရီးယား သတင်းဂျာနယ် အနေနဲ့ အထူးပဲကျေးဇူးတင် ပါတယ်။ ဆက်လက်ပြီး မေးမြန်း ခွင့်ပြုပါဘုရား။
ဆရာတော်/ဆရာတော်လည်း ဂျိုးဇက်ကို ကြိုဆိုပါတယ်။
မေး/ဆရာတော်ဘုရားရဲ့ဇာတိနဲ့ မိဘနှစ်ပါးတို့ရဲ့နာမည်တွေကို သိချင်ပါတယ်။
ဆရာတော်/ ဆရာတော်က လျန်ငိုင်ကျေးရွာ၊ တီးတိန်မြို့နယ်မှာ မွေးဖွားခဲ့တယ်။ အဖေ့နာမည် ကတော့ ဦးအီညက်ရှပ်စ် လျန်ကင်းဆွမ်ဖြစ်ပြီး မိခင်ကတော့ နာတားလျား ထန်ကင်း ဖြစ်ပါတယ်။ အမေကတော့ ၁၉၉၄ ခုနှစ်မှာ သေဆုံးသွားပြီး အဖေကတော့ အသက်ရှင်လျက် ရှိနေပါတယ်။
မေး/   ကိုယ်တော်က အရင်တုန်းက နှစ်ခြင်းခရစ်ယာန် ဘာသာဝင် ဖြစ်ခဲ့ဖူးတယ်လို့ ကြားရပါတယ်။ အဲဒါဟုတ်ပါသလား။
ဆရာတော်/ တကယ်တော့ ဆရာတော်က မွေးကတည်းက ကက်သလစ်ဘာသာဝင်ပါပဲ။ ဒါပေမယ့် ၁၉၆၇ ခုနှစ်လောက်မှာ အသိုင်းအ၀ိုင်း ဆွေမျိုးများရဲ့ ဖိအားကြောင့် နှစ်နှစ်လောက် နှစ်ခြင်းဘာသာ ထဲကို ရောက်သွားခဲ့ဖူးပေမယ့် ၁၉၆၉ ခုနှစ်မှာ ကက်သလစ်ခရစ်ယာန် ဘာသာထဲကို ပြန်ဝင်လာခဲ့ပါ တယ်။ မိဘတွေ ကတော့ နတ်စားကနေ ကက်သလစ်ဘာသာထဲကို ၀င်လာတဲ့သူတွေ ဖြစ်ကြပါတယ်။
မေး/   တပည့်တော်သိသလောက်က သံတမန်ဆိုတာ မိမိရဲ့နိုင်ငံက စေလွှတ်ရတယ်။ ဒါပေမယ့် ကိုယ်တော်က ဗာတီကန်နိုင်ငံရဲ့သံတမန် လုပ်ခဲ့ရတော့၊ ကိုယ်တော်က ဗာတီကန်နိုင်ငံသား ဖြစ်သွား တာလား။
ဆရာတော်/ ဆရာတော်က ဗာတီကန်နိုင်ငံရဲ့ သံတမန်ဖြစ်ခဲ့တာ မှန်ပေမယ့် ဗာတီကန်နိုင်ငံ သားတော့ မရဘူး။ ဒါပေမယ့် ဗာတီကန်နိုင်ငံဆိုင်ရာ သံတမန်နိုင်ငံကူးလက်မှတ်တော့ ရခဲ့ပါတယ်။
မေး/ အခုက သံတမန်မဟုတ်တော့ဘူးဆိုတော့ ဗာတီကန်နိုင်ငံဆိုင်ရာ နိုင်ငံကူးလက်မှတ်ကို ကိုင်နေရသေးလား။
ဆရာတော်/ ဆရာတော်အဖြစ် ခန့်အပ်ခြင်း ခံရချိန်ကနေစပြီးတော့ ဗာတီကန်နိုင်ငံ ဆိုင်ရာ သံတမန်နိုင်ငံကူးလက်မှတ်ကို ဗာတီကန်နိုင်ငံ ကို ပြန်အပ်ခဲ့ပါတယ်။ အခုတော့ မြန်မာ နိုင်ငံကူးလက်မှတ် ကိုပဲ ကိုင်ဆောင်နေပါတယ်။
မေး/ဗာတီကန်နိုင်ငံခြားရေးမူဝါဒက ရဟန်းမင်းကြီးတွေ ပြောင်းလဲတိုင်း မူဝါဒ ပိုင်းရော ဘယ်လောက် တည်ငြိမ်မှု ရှိသလဲ။ ဗာတီကန် နိုင်ငံခြားရေးမူဝါဒရဲ့ အဓိက သော့ချက်က ဘာများလဲ။
ဆရာတော်/ ရဟန်းမင်းကြီးတွေ ပြောင်းသွား ကြပေမယ့် ဗာတီကန်နိုင်ငံခြားရေး မူဝါဒ ကတော့ တည်ငြိမ်တယ်လို့ ပြောလို့ရပါတယ်။ ဗာတီကန် နိုင်ငံခြားရေးမူဝါဒတွေကတော့၊ နိုင်ငံတိုင်းမှာ ကမ္ဘာလူသားတိုင်း လူ့အခွင့်အရေး ကို အပြည့်အ၀ခံစားနိုင်ကြဖို့၊ ဘာသာရေး လွတ်လပ်ခွင့်တွေရှိဖို့၊ လွတ်လပ်စွာ ထုတ်ဖော် ပြောဆို ရေးသားခွင့် ရှိဖို့ဆိုတာတွေကိုပဲ တက်တက်ကြကြ လုပ်ဆောင်နေပါ တယ်။
မေး/ ဘာဖြစ်လို့ ဗာတီကန်နိုင်ငံက ကုလသမဂ္ဂ မှာ စောင့်ကြည့်သူအဆင့်ပဲရပြီး အဖွဲ့ဝင်နိုင်ငံ အဆင့်ကို မရတာလဲ။
ဆရာတော်/ ဆရာတော် နားလည်သလောက် ကတော့၊ ဗာတီကန်နိုင်ငံက သူ့မှာ ကိုယ်ပိုင် နယ်နိမိတ် ရှိတယ်၊ နိုင်ငံသားလည်း ရှိတယ်။ အုပ်ချုပ်သူလည်း ရှိတယ်။ ဒါပေမယ့် သူ့မှာက  ကိုယ်ပိုင် စစ်တပ်မရှိတာ ရယ်၊ နောက်ပြီး နိုင်ငံရေးအဖွဲ့အစည်း မဟုတ်ဘဲ၊ ဘာသာရေး ကို အခြေခံတဲ့နိုင်ငံ ဖြစ်လို့ပဲ ဖြစ်မယ်လို့ ထင်ပါတယ်။ ဗာတီကန်နိုင်ငံအနေနဲ့ကတော့ ကမ္ဘာ့ အရေးတွေမှာ တတ်သလောက် အကြံ ပေးတာတွေ နဲ့ ငွေကြေးထည့်ဝင်မှုတွေကိုပဲ အဓိက ကူညီပံ့ပိုးနေတာဖြစ်ပါတယ်။
မေး/  ဗာတီကန်မှာ ဖြစ်ပျက်တဲ့မှုခင်းတွေ အပေါ်မှာ လက်ရှိကာနန်ဥပဒေက လုံလောက် မှု မရှိဘူးလို့ တပည့်တော် သုံးသပ်ရပါတယ်။ အဲဒီအပေါ်မှာရော။
ဆရာတော်/ ဗာတီကန်နိုင်ငံအတွက်က သီးသန့်ဥပဒေ ရှိပါတယ်။ ကာနန်ဥပဒေက တော့ တကမ္ဘာလုံးဆိုင်ရာ ကက်သလစ် သာသနာတော်အတွက်ပဲ ဖြစ်ပါတယ်။
မေး/ သံတမန်လုပ်ခဲ့တဲ့အတွေ့အကြုံက လက်ရှိ ကိုယ်တော့်ရဲ့ သာသနာအုပ်ချုပ်မှုဆိုင်ရာ ဆရာတော်ဘ၀ ကို ဘယ်လောက်အထောက် အကူ ပေးပါသလဲ။
ဆရာတော်/ ဗာတီကန်နိုင်ငံရဲ့သံတမန်လုပ်ခဲ့ ရတဲ့အတွက် ဗာတီကန်နဲ့အဆက်အသွယ် လုပ်တဲ့နေရာမှာ၊ ရဟန်းမင်းကြီးကိုယ်စားလှယ်နဲ့ ဆက်သွယ်တဲ့နေရာမှာ စာအသွားအလာ၊ အရေးအသားတွေမှာ တခြားဆရာတော်တွေ ထက်တော့ ပိုပြီးတော့ နားလည်ပါတယ်။ ဒါပေမယ့် ဆရာတော် ဖြစ်လာပြီး သာသနာ တော်ကို အုပ်ချုပ်တဲ့နေရာမှာတော့ တခြားစီ ပါပဲ။ ဘာမှ မဆိုင်ဘူးလို့ ပြောရမှာပါ။
မေး/ ကိုယ်တော်တို့အနေနဲ့ ရောမမြို့မှာ ဗာတီကန်သံတမန်ရေးဆိုင်ရာ တက္ကသိုလ်မှာ ပညာတော် သင်ယူတဲ့အခါမှာ ဘယ်လိုမျိုး ဥပဒေကို သင်ကြားလေ့လာ ရပါသလဲ။
ဆရာတော်/ ဗာတီကန်သံတမန်ရေးဆိုင်ရာ တက္ကသိုလ်မှာ ပညာတော်သင်ကြားတဲ့အခါမှာ ကာနန် ဥပဒေနဲ့နိုင်ငံတကာဥပဒေများကို အထူးပြုပြီး သင်ကြားရပါတယ်။ နိုင်ငံတကာ ဥပဒေများထဲမှာတောင်မှ လူ့အခွင့်အရေး အကြောင်းနဲ့ ဘာသာပေါင်းစုံတွေ့ဆုံ ဆွေးနွေး ခြင်းအကြောင်းတွေကိုပဲ ပိုပြီးသင်ယူခဲ့ပါ တယ်။
မေး/  ကက်သလစ်သာသနာတော်မှာ ဆရာတော် ပိုင်သာသနာတိုင်းမှာ ဘုန်းတော်ကြီးများ၊ ဘာသာဝင်များအကြားတွင် ပြဿနာဖြစ်တဲ့ အခါမှာ ဖြေရှင်းနိုင်ဖို့အတွက် တရားစီရင်ရေး အဖွဲ့ဆိုတာကို ဖွဲ့စည်းဖို့ ကာနန်ဥပဒေက ဘယ်လို ပြဌာန်းထားပါသလဲ။
ဆရာတော်/ ကာနန်ဥပဒေအရကတော့၊ အသင်းတော်နဲ့ဆိုင်တဲ့ အရေးကိစ္စတွေမှာဆိုရင် ဆရာတော်ကြီး က တရားသူကြီး ဖြစ်ပါတယ်။ ဆရာတော်ကြီး ဆုံးဖြတ်တာဟာ အပြီးအပြတ် ဖြစ်ပါတယ်။ ကလေးသာ သနာမှာဆိုရင် တခြား ဘာသာရေးဆိုင်ရာ မြေကွက်၊ အဆောက်အဦး တွေနဲ့ပတ်သက်လာရင်တော့ ဆရာတော်က တော့ ဥပဒေပညာရှင်တွေကိုပဲ တာဝန်ပေးပြီး စာချုပ်လုပ်တာတွေကို လုပ်နေပါတယ်။
မေး/  လက်ရှိကလေးသာသနာမှာ ကလေးများ ကို စော်ကားခြင်းမှ ကာကွယ်ခြင်းဆိုင်ရာ မူဝါဒများ ရှိပါသလား။ မရှိသေးရင် လုပ်ဖို့ အစီအစဉ် ရှိပါသလား။
ဆရာတော်/ လက်ရှိကလေးကက်သလစ် သာသနာရဲ့ ဘော်ဒါစနစ်က တော်တော်ညံ့နေ သေးတယ်။ အနောက်နိုင်ငံယဉ်ကျေးမှုအရနဲ့ ငါတို့အရှေ့ တိုင်းပြည်က ယဉ်ကျေးမှုအရ ကလေးတွေကို ဆက်ဆံ တဲ့နေရာမှာ အမြင်ခြင်း မတူတာတွေလည်း ရှိပါတယ်။
မေးÂ သာသနာတော်ထဲမှာ အအောင်မြင်ဆုံးကို ပြောပြပါ။
ဆရာတော်/ ၀တ်ပြုကိုးကွယ်မှုပိုင်းမှာ ကိုယ့် ဘာသာစကားနဲ့ အားရပါးရ ဘုရားသခင်ကို ချီးမွမ်းကိုးကွယ် ခွင့် ရသွားတယ်။ သာသနာရဲ့ ဘောင်ကလည်း ကျဉ်းသွားတော့ သွားရေး လာရေး က တော်တော်ကောင်း ပါတယ်။ တီးတိန် ဘာသာစကားဖြင့် တီးတိန်ကက်သလစ် သမ္မာကျမ်းစာအုပ်ကို နောက်နှစ်ထုတ်ဝေနိုင်ဖို့ လုပ်နေပါပြီ။ ဒါက အအောင်မြင်ဆုံး လို့ ဆိုရမှာပါ။
မေး/ သာသနာတော်ထဲမှာ အခက်အခဲဆုံး အရာကို ပြောပြပါ။
ဆရာတော်/ ကိုယ့်ရဲ့ရဟန်းဘုန်းတော်ကြီး တစ်ချို့က မိမိတို့ရဲ့ခေါ်တော်မူခြင်းကို တန်ဖိုး မထားကြတာ ကို တွေ့နေရတယ်။ ဖွံ့ဖြိုးရေး၊ ကာယရေး နဲ့ဝိညာဉ်ရေးမှာ မျှမျှတတ ဖြစ်ဖို့ အရေးကြီးပေမယ့် ၀ိညာဉ်ရေး မှာ ပိုပြီးအား သာတာက ပိုပြီးတော့ အကျိုးရှိပါတယ်။
မေး/   ကလေးမြို့က ရန်ကုန်မြို့လိုပဲ လူပေါင်းစုံ နေထိုင်ရာမြို့ ဖြစ်လာနေပြီ။ အဲဒီတော့ လူနည်းစု Minorities ဘာသာဝင်တွေကို ဘယ်လောက်ထိ စဉ်းစားပေးနေပါသလဲ။
ဆရာတော်/ လူနည်းစု လူမျိုးတွေရဲ့အရေးကို အမြဲတမ်းစဉ်းစားပါတယ်။ ဥပမာဆိုရင်၊ ဖလမ်းလူ မျိုးတွေများတဲ့နေရာမှာ မစ္ဆားလုပ်ရင် ဖလမ်း ဘာသာစကားနဲ့ မစ္ဆားလုပ်ဖို့၊ ဇိုလူမျိုး တွေများတဲ့နေရာမှာ ဇိုဘာသာစကားနဲ့ ဆုတောင်းဖို့ အဲဒီလိုတော့ လုပ်ပေးနေပါတယ်။ နောက်ပြီးတော့ လူမျိုးနွယ်စုတွေ ရှိနေကြတဲ့ ရပ်ကွက်တွေမှာ ဆိုရင် သူတို့လူမျိုးနွယ်စုရဲ့ ဓမ္မဆရာတွေကို ခန့်ထားပေးပါတယ်။ နောင် မှာတော့ ဟားခါးစကားပြောတဲ့လူတွေအတွက် ဟားခါးသာသနာက ဘုန်းတော်ကြီးတွေကို ထားပေးဖို့၊ ဗမာစကားပြောတဲ့ဘာသာဝင်တွေ အတွက်က မန္တလေးသာသနာက ဘုန်းတော်ကြီး တွေကို ထားပေးဖို့ စသဖြင့် စီစဉ်နေပါတယ်။ ဒါပေမယ့် အဲဒီလိုလုပ်တဲ့နေရာမှာ ကက်သလစ် ဘာသာ ၀င်တွေဟာ ကက်သလစ်စိတ်ဓါတ်ရှိ နေကြဖို့ပဲ အရေးကြီးတယ်။ ဆိုလိုတာက လူမျိုးကို အခြေမခံ၊ မလှုပ်ရှားဘဲနဲ့ ဆရာတော် ကြီးရဲ့ လက်အောက်မှာ ငါတို့အားလုံးဟာ ကက်သလစ်ဘာသာဝင်တွေ ဖြစ်ကြပါတယ်ဆို တဲ့ စိတ်ဓါတ်ကို ရှိနေကြရမှာ ဖြစ်ပါတယ်။ အကျဉ်း ချုပ်ပြောရရင်တော့ ဆရာတော့်ရဲ့ သာသနာထဲမှာ ရှိနေကြတဲ့ လူမျိုးနွယ်စု ကက်သလစ်ဘာသာဝင်တွေကို အမြဲပဲ ထည့်သွင်းစဉ်းစားပါတယ်။
မေး/  ကိုယ်တော်က မြန်မာနိုင်ငံကက်သလစ် ဆရာတော်ကြီးများရဲ့ အဖွဲ့ချုပ် Catholic Bishops’ Conference of Myanmar (CBCM) ရဲ့ ဒုတိယဥက္ကဌဖြစ်တော့ ဒီ CBCM ကော်မရှင် တွေရဲ့ လုပ် ငန်းဆောင်ရွက်မှုတွေက အများပြည် သူဖတ်နိုင်အောင် မလုပ်တာတွေ့ရတယ်။ သုံးသပ်ပေးပါအုံး။
ဆရာတော်/CBCM မှာက (၆) လပတ်အစည်း အဝေး တွေမှာတော့ သက်ဆိုင်ရာ ကော်မ ရှင် တွေအနေနဲ့ကတော့ အဆိုတင်သွင်းတာမျိုး၊ လုပ်ငန်းပိုင်းဆိုင်ရာ အစီရင်ခံစာ တင်တာမျိုး တော့ ရှိပါတယ်။ အဲဒီလောက်ပါပဲ။ ပွင့်ပွင့် လင်းလင်း ပြောရရင်တော့ တချို့ကော်မရှင်တွေ က အတော်အလုပ် လုပ်ကြပေမယ့် တချို့ ကော်မရှင် တွေမှာတော့ လိုအပ်ချက်တွေ ရှိကြ ပါသေးတယ်။ လူ့အရင်းအမြစ်ပိုင်း မှာ တော်တော် အားနည်းနေကြသေးတဲ့ အတွက် လုပ်ငန်းလုပ်တဲ့နေရာမှာလည်း ထင်သလောက် ခရီးမရောက်တာ ဖြစ်ပါတယ်။
မေး/ မြန်မာနိုင်ငံမှာ ကက်သလစ်သာသနာတော် ရဲ့ တိုးတက်မှုအခြေအနေကို သိချင်ပါတယ်။
ဆရာတော်/ မြန်မာနိုင်ငံမှာ ကက်သလစ် သာသနာတော်ရဲ့ တိုးတက်မှုအခြေအနေကို သေသေချာ ချာ လေ့လာသုံးသပ်တာမျိုး CBCM အနေနဲ့ လုပ်တာမရှိသေးဘူး။ ဒါပေမယ့် ချင်းပြည်နယ်ရဲ့အခြေအနေ ကို သုံးသပ်ရင် တော့ ကက်သလစ်ဘာသာဝင် လူဦးရေကတော့ ကျဆင်းသွား မှာတော့ သေချာတယ်။ ဘာဖြစ်လို့ လဲဆိုတော့ ချင်းလူမျိုး တော်တော်များက ချင်းပြည်နယ်ကနေ ထွက်ခွာပြီးတော့ မန္တလေး၊ ရန်ကုန်၊ နိုင်ငံခြားဖက်ကို ပြောင်းရွှေ့နေကြလို့ ပါပဲ။ ခြုံပြီးတော့ ပြောရရင်တော့ မြန်မာနိုင်ငံမှာ ရှိနေတဲ့ကက်သလစ်သာသနာတော်ဟာ တိုးတက်နေ ပါတယ်လို့ပဲ မှတ်ချက်ပြုချင်ပါတယ်။
မေး/ ကလေးကက်သလစ်သာသနာတော်ကို ဘယ်လိုသုံးသပ်မိသလဲ။ ဘာသာဝင်တွေရဲ့ ယုံကြည်ခြင်း ကို သုံးသပ်ပေးပါ။
ဆရာတော်/ အရင်တုန်းက နိုင်ငံခြားသာသနာ ပြု ရဟန်းတော်တွေနဲ့ မြေပြန့်က သာသနာပြု ရဟန်းတွေနဲ့ နေထိုင်လက်တွဲလာခဲ့ကြတဲ့ ဘိုးဘွား တွေကတော့ ဘုရားတရားအကြောင်း တွေကို အထူးတလည် မသင်ယူခဲ့ကြပေမယ့် ယုံကြည်ခြင်းမှာတော့ တော်တော်ခိုင်မာကြတယ်။ ဒါပေမယ့် ဒီနှစ် (၂၀) နောက်ပိုင်း ကြီးပြင်း လာကြတဲ့ ဘာသာဝင်တွေကတော့ ဆေးကြော ခြင်းကို ခံယူကြပေမယ့် ဘုရားစကားကို သင်ကြားမှု နည်းပါးလာသလို ဘာသာရေး အသိတရားလည်း နည်းပါးကြ တယ်။ နောက်ပြီး တော့ အိမ်ထောင်ရေးဆိုင်ရာမှာလည်း ကိုယ့်ရဲ့ ဘာသာတရားဖက်ကို အေးတိအေး စက် ဖြစ်လာ ကြတယ်လို့ သုံးသပ်မိပါတယ်။ ကလေးသာသနာ မှာက ဘာသာဝင်တွေကို ဘုရားစကားကို များများသင် ပေးနေဖို့ လိုအပ်သေးသလို ဘာသာတရားအပေါ် မွမ်းမံသင်တန်းများ ကိုလည်း လုပ်ပေးနေဖို့ လိုအပ်ပါတယ်။
မေး/ ရဟန်းမင်းကြီးက လက်ရှိကက်သလစ် သာသနာတော်ရဲ့ ဥပဒေတွေနဲ့ တရားစီရင် မှုစနစ်ဟာ ကက်သလစ်မိသားစုတွေအတွက် လုံလောက်မှု မရှိဘူး။ ဒါကြောင့်မို့ ပြန်လည် ပြုပြင်ဖို့ လိုတယ်ဆိုပြီး ၂၀၁၄ ခုနှစ်မှာ တစ်ကမ္ဘာလုံးဆိုင်ရာကက်သလစ် ဆရာတော် ကြီးများ ရဲ့ဓမ္မညီလာခံကို ဖိတ်ခေါ်ထားပါ တယ်။ အဲဒီအပေါ်မှာ ကာနန်ဥပဒေပညာရှင် တစ်ပါးအနေနဲ့ဘာများ မှတ်ချက်ပြုချင်ပါသလဲ။
ဆရာတော်/ လက်ရှိရဟန်းမင်းကြီး ဖရန်စစ်က တကယ်အုပ်ချုပ်ရေးပိုင်းဆိုင်ရာမှာ အတော် ကျွမ်းကျင်တဲ့ ရဟန်းမင်းကြီးလို့ သုံးသပ်ချင် ပါတယ်။ နောက်ပြီးတော့ ရဟန်းမင်းကြီး မီးမောင်းထိုးပြတဲ့ လက်ရှိကက် သလစ် သာသနာ တော်ရဲ့ ဥပဒေတွေနဲ့တရားစီရင်မှု စနစ်ဟာ ကက်သလစ်မိသားစုတွေအတွက် လုံလောက်မှု မရှိဘူး ဆိုတဲ့အချက်ပေါ်မှာလည်း ထောက်ခံပါ တယ်။ ပြီးခဲ့တဲ့ ၂၀၁၃ ခုနှစ် ဇူလိုင်လတုန်းက သြစတြေးလျနိုင်ငံကို ရောက်တော့ သြစ တြေးလျနိုင်ငံက ကက်သလစ်ဘုန်းတော်ကြီး တစ်ပါးက ““ကိုယ်တော်မြတ် လာပင့်တဲ့သူတွေ အားလုံးကို မငြင်းဘူး”” လို့ ပြောပြပါတယ်။ အဲဒီတော့ ဥပဒေဆိုတာ အဖွဲ့အစည်းအတွက် လိုအပ်ပါတယ်။ ဒါပေမယ့် အသင်းတော်ဟာ လူသားတွေရဲ့ဝိညာဉ် ကယ်တင်ရေး အတွက် ဖြစ်တယ်ဆိုတဲ့ အချက်ကိုလည်း အမြဲတမ်း သတိရှိဖို့လိုအပ်ပါတယ်။ ဒါကြောင့်မို့ ဒီနေ့ ကမ္ဘာကြီးမှာ ဖြစ်ပျက်နေတဲ့ အိမ်ထောင်ရေး ပြဿနာတွေကို ဥပဒေအတိုင်း တင်းတင်း ကြပ်ကြပ် ကိုင်တွယ် မယ်ဆိုရင် ကိုယ့်ရဲ့ ဘာသာ ၀င်တွေက တခြားဘာသာဖက်ကို ကူးပြောင်း သွားကြမယ်ဆိုရင် အဲဒီ ၀ိညာဉ် တွေကို ပြန်လည် ကယ်တင်ဖို့က ကက်သလစ် အသင်းတော်မှာ တာဝန်ရှိတာမို့၊ ရဟန်းမင်း ကြီး ဆွေးနွေးလိုတဲ့ အချက်က တိုက်ကြီးများဆိုင်ရာ ကက်သလစ် ဆရာတော်ကြီး များအဖွဲ့ချုပ်နဲ့ သက်ဆိုင်ရာ နိုင်ငံတွေက ဆရာတော်ကြီးတွေ အားလုံး ၀ိုင်းဝန်း ဆွေးနွေးပြီး အဖြေရှာရမယ့် အကြောင်း အရာ ဖြစ်တယ်လို့ပဲ သုံးသပ်ချင်ပါတယ်။
မေး/ လက်ရှိ ရဟန်းမင်းကြီးရဲ့ ဦးဆောင်ပုံကို သုံးသပ်ပေးပါဦး။
ဆရာတော်/ လက်ရှိရဟန်းမင်းကြီး ဖရန်စစ်ရဲ့ ဦးဆောင်မှု၊ အုပ်ချုပ်မှုပုံစံက တော်တော်ကို သိုးထိန်းကောင်း ပီသတယ်။ အသင်းတော်ရဲ့ အခြေခံ အုတ်မြစ်ကို အကောင်း ဆုံးဖြစ်အောင် ပြန် လည်ပြုပြင်နေတယ်လို့ သုံးသပ်ချင် ပါတယ်။ ရဟန်းမင်းကြီးက သူ့ရဲ့ဘွဲ့နာမတော်ရှင် ဖြစ်တော်မူတဲ့ ရဟန္တာဖရန်စစ် အစီစီရဲ့ ကျင့်စဉ်အတိုင်းပဲ လိုက်ကျင့်နေတယ်လို့ သုံးသပ်ချင်ပါတယ်။
မေး/ ကျွန်တော်တို့ရဲ့ ဂလိုရီးယား သတင်း ဂျာနယ်ကို သုံးသပ်ပေးပါဦး။
ဆရာတော်/ ဆရာတော့်အနေနဲ့ ဂလိုရီးယား သတင်းဂျာနယ်ကို ပုံမှန်ဖတ်ပါတယ်။ ဒီဂျာနယ် က ဆရာတော့်အတွက်ကတော့ ၁၂ မျိုးဟင်းချို လို့ပဲ ပြောချင်ပါတယ်။ တချို့သတင်းတွေဆိုရင် ကျွန်တော့် အတွက်လည်း တော်တော် အရေးပါ ပါတယ်။ နိုင်ငံရေး၊ စီးပွားရေး၊ နိုင်ငံတကာနဲ့ ပြည်တွင်းကက်သလစ် သတင်းတွေ၊ ရဟန်း မင်းကြီးရဲ့တရားတော်တွေ စုံစုံလင်လင် ပါတော့ တော်တော် ကောင်းပါတယ်။ ဂျာနယ်ထဲမှာ သမ္မာကျမ်းစာ အဘိဓါန် ထည့်ပေးတာ တော် တော် ကောင်းတယ်။ ဒီဂျာနယ်က ကက်သလစ် သတင်းဂျာနယ်လို့ ခေါ်လို့မရပေမယ့် ဒီဂျာနယ်က ကက်သလစ်သာသနာတော်ရဲ့ ပုံရိပ် image၊ တန်ဖိုးနဲ့မှတ်ပုံတင် value and identity ကို အမှန်ဖော်ထုတ်ပေးနေတဲ့ ဂျာနယ် ဖြစ်တဲ့အတွက် ဆရာတော့်အနေနဲ့ ဂုဏ်ယူပါတယ်၊ အားလည်း အားပေးပါတယ်။ ဒါပေမယ့် စာရေးတဲ့အခါမှာ အထူးသဖြင့် အယ်ဒီတာ့ အာဘော်မှာဆိုရင် သံတမန်ဆန်ဆန် ရေးဖို့၊ တည့်တည့်မရေးဖို့ပဲ၊ သွယ်ဝိုက် ပြီး ရေးဖို့ အကြံ ပေးချင်ပါတယ်။နောင်မှာဆိုရင် ဒီဂျာနယ်ကို ၀က်ဘ်ဆိုဒ်မှာ တင်နိုင်အောင် လုပ်ဖို့ အကြံ ပေးချင်ပါတယ်။
အယ်ဒီတာချုပ်/ အခုလို စိတ်ရှည်လက်ရှည်နဲ့ တပည့်တော်ရဲ့မေးမြန်းမှုတွေ ကို ဖြေကြား ပေးတော်မူတဲ့ အတွက် ဆရာတော်ဘုရားကို တပည့်တော် အထူးကျေးဇူးတင်ပါတယ်။

4387  Views
Previous: ထိရောက်မှုမရှိသေးသော ခရစ်ယာန်ဂိုဏ်းပေါင်းစုံတစ်လုံးတ၀တည်းဖြစ်ရေးနှင့် ဘာသာအချင်းချင်းအပြန်အလှန်ဆွေးနွေးခြင်းကော်မရှင်၏ ဆွေးနွေးပွဲကျင်းပ
Next: ရန်ကုန်ကက်သလစ်သာသနာပိုင်ချုပ်သည် ဒုတိယအကြိမ်သာသနာ့ညီလာခံကို သြဂုတ်လ ၂ ရက်နေ့တွင် စတင်ကျင်းပမည်